diłe er nałet
From the Book:
Dîwanî Bêsaranî
By:
Mustafa Besarani (1643-1702)
1 minutes
527 views
diłe er nałet ...
waçmê ce gerdûn, buyero nałet
ce ezel bey tewr nusyan tałet
çi sûd medo pêt, ey şîfa û lałet?
gerdûn key be qeyd ahî serdewen?
daxim, ay çend dax, ne toy perdewen
er we nałe û derd kes xelas mekerd
mecnûn ce koy necd key mibî we gerd?
bê sûden de’way xelasî kerden
xas êden awat wazî we merden
bê řay, çûn çerx ẍezeb girten lêt
key sûd mewwînî to ce mayey wêt?