lway bînayî dîdey derwêşan
From the Book:
Dîwanî Mewlewî
By:
Mawlawi Tawagozi (1806-1882)
2 minutes
838 views
lway bînayî dîdey derwêşan
asan kerd ce lam musîbet kêşan
xem, xefet, meynet, henasanî serd
her kam meyo, bo, sefayîş awerd
er keftew meḧşer dînî cemałit
wernimedo dił damney xeyałit
napeyday tewen dûr bêseferen
sefer bê leşkir, leşkir bêseren
meydan ne dîdey supayî taren
şołey taskiław to ne pêwaren
ta fełek mewday ney to şardewe
dawwidî řewac peyda kerdewe
ta şêrî beydax to ama we ber
ne goşey bêşey ney fewcî leşker
dilêran «ya şêr aman» mwanan
şêran wêney şêr beydax minmanan
îse ’am kerden mergit dilêrî
şêrî beydaxan minmanan şêrî
wehar newgułan ne toy xak ber kerd
ce bedbextî min to we toy xak berd
wadey xaw nîyen, wadey şikaren
deştekey pay herd şakelNamed-Entity dyaren
bew hîlalî nał kumeytî xoşdew
mangî şadî û zewq herdan biker new
ḧelqî ceyranan teşnegî bêşon
întîzarî aw safî têẍî ton
tarîk bî şewgar şew zîndedaran
gîrya temam bedrî řuxsaran
şêwya yaney derûn piř xaran
kinya destey zułf şîrîn nîgaran
syamał matem, serkomar diłteng
tełebe peşêw, medrese bêdeng
hîç dyar nîyen kest cewîr bo
mişêw germyan xakiş diłgîr bo
her sałê çend wext ser herdî leylax
we boy hamdemît demax mekerd çax
diłey germyan new çend wexteda
mesoçya we coş dûrîy sexteda
axir germyan sařêş kerd zamit
bî we hamdemit ta řoy qyamit
derdî germyan we êłax yawa
germyan we ḧał êłax dił tawa
mergî bêwadet ’eceb řengê řeşt
şîn wist ew dinya, şadî ew beheşt
dinya şînşen nîyenî têşda
beheşt şadîşen megêłî pêşda
nazaran piř dax to teşrîfit berd
ḧûran we perdax to teşrîfit berd
her yend řo řom kerd řom nebřyawe
ay řom biřyawe, řom nebřyawe
takey çenî şîn řo we ser berûn
ba we sozî dił du’ayê kerûn
er ême meḧrûm dînit bîm yekser
to şad bî we dîn xudaw peyẍember