çiraẍim ḧałit
From the Book:
Dîwanî Bêsaranî
By:
Mustafa Besarani (1643-1702)
1 minutes
653 views
çiraẍim ḧałit ...
be bed mewaçan, bed wazan ḧałit
mewaçan zułfan, muşkîn zuxałit
bê naz, peşêwen, we bûmî lałit
zwan besteban ye çûn diłdaran
pasew to bazař sitem medaran
pey çêş? bînayî her dû dîdenî
bê tay, bê hamtay, berguzîdenî
bała sipî sewł, xatir darenî
nemamî new xêz gewherbarenî
xas êden ne dewr cefay řozgar
newînot azar, neşêwnot bazař
xuday pey şîfat, ce seyr ne seyr bo
azarit azar, ’aqîbet xeyr bo