çiraẍim be wêm
From the Book:
Dîwanî Bêsaranî
By:
Mustafa Besarani (1643-1702)
1 minutes
760 views
çiraẍim be wêm ...
îmşew dozex dîm, min be dîdey wêm
biłêsey piř dûd be giř xêza cêm
’ezab řoy ḧeşir, qyamet da pêm
qirçey îstîxwan, kizey derûnim
boy kebabî cerg coşîyay hûnim
’alem gişt temam cêş ama be teng
lwa be sara firseng be firseng
bew ḧałe min bîm emşew ta be řo
her ḧałî bedwaz, dewrî dîdet bo
fîday bałat bam zułf bo ’enberîn
leylay sayedar, zułf û xał şîrîn
sa dozex çêşen? ’ezabiş ce kon?
dozex her dozex dûrîy bałay ton
derûnim ayr tûnî bê awen
nałem sedaş çerx gerdûn şikawen
nałem ce ałem ayr xêzna
esrînim tofan nûḧ engêzna
min wêney ẍewas ẍerqî xemîde
gêc bîm ne gêcaw tofanî dîde
çenî ahî derd mecnûn ce xawda
her gêcim mewerd şew ne gêcawda