çiraẍim bexten
From the Book:
Dîwanî Bêsaranî
By:
Mustafa Besarani (1643-1702)
1 minutes
835 views
çiraẍim bexten ...
be wêm mizanû bextim bedbexten
ce dûrî bałat zametim sexten
mizanû be ḧał merdenîm wexten
ełmasî dûrît ne dił kar kerden
be sed ḧekîman dewa neberden
şîm welay ḧekîm bibero dewam
derdî bê zamet hîcran ser’encam
watim ey ḧekîm hana sed hana
bikere dewam ḧekîmî dana
ḧekîm wat feqîr zamet naçaren
derdit derdêwen zam nadyaren
zametî dûrît ne dił kerden kar
sîwa ce merden kes neberden çar
sazanam ḧekîm dewaş neberda
desêw xoł û xak kerdim be serda
herdam be serda perê cestey wêm
perê zamî sext cey neřestey wêm
her dam be serda pey zamî sextim
pey sitarey şûm bedbextî bextim
sa ke min ḧekîm nekerdiş dewam
mer ecel beyo bidero şefam