çiraẍ weřezan
From the Book:
Dîwanî Bêsaranî
By:
Mustafa Besarani (1643-1702)
1 minutes
880 views
çiraẍ weřezan ...
ařo řagem kefit şyam we řezan
be zuwanî ḧał persam ce xezan
ten byen mecruḧ çûn maran gezan
watim hey xezan řezîdey çemen
ustadî neqqaş belermî yemen
sebeb ce çêşen, řeng zigarenî
sertapa hûnîn dił figarenî?
watiş hey bê meyl, ce nakacarê
dîm amaw û yerd zułf eşed barê
xeraman wiyerd be sed nazewe
be dîdey sêweng surme sazewe
mewday mujanş nîşten ne cergim
be hûnî ewen ye řijyan bergim
sa min zayfîm ce boney leylen
’amyan mewaçan řeştey sîweylen
êmeyç çûn ewan hûnî dił werdîm
ce dûrî yaran, dax we gił berdîm