çiraẍ cemînit
From the Book:
Dîwanî Bêsaranî
By:
Mustafa Besarani (1643-1702)
1 minutes
667 views
çiraẍ cemînit...
min her yend kerdim nîgay cemînit
ewnde fîkirim da zułfî xemînit
dił bî perwaney şem’î şîrînit
bew tewr perwaz kerd, ama be hem da
bûłş şendewe weyaney xem da
dexîlim azîz biker merexes
ba beyo xizmet, cestey ten qeqnes
wasił bo wesił cemînî lałit
bo binyo we boy zułfî zuxałit
mewaçî yaran we derûn siften
çenî hîcranan ladê neřeften
îne gişt pey min zuxałê byen
ce ’eqił û ce fam, ce hoş berşyen
er sed pêm maçan te’ney bedkaran
ẍeyr ne to weşîm ce dił new yaran
er watey bedan çûn sengî sara
mebo we bałam be bed mudara