teşrîf nawerdî
From the Book:
Dîwanî Bêsaranî
By:
Mustafa Besarani (1643-1702)
1 minutes
930 views
teşrîf nawerdî ...
bay şemał çêş bî, teşrîf nawerdî?
’erzu ḧałî min pey yar nekerdî
mer şerbetî dest bê şertan werdî?
yeqîn herzegerd bê metamenî
çûn sara’yan xeyał xamenî
sersamî, sadar, sara gêłenî
çoł gerdî kem fam, temam wêłenî
mer her kes delîl derdedaranen
qasîdî namey kefte karanen
çûn to bê beynen eḧwał naweren
sewdayî sîfet, xeyał ne seren?
umêd hen dergêł serzemînan bay
awarey weten cam cemînan bay
ta be cestey min henî hejaran
nekerî xerîk çemeřay yaran