terz xezan dîm ce fesłî hamin
From the Book:
Dîwanî Bêsaranî
By:
Mustafa Besarani (1643-1702)
1 minutes
978 views
terz xezan dîm ce fesłî hamin
yekser soçyan, beter ter ce min
watim ey xezan ye fesił to bî
ey giřey ahîr, pey to ce ko bî?
watiş to ḧałzan terzî xezanî
çi xêren bey tewr, eḧwal nezanî?
her xezan řeştey fesłî sweylen
ew bo nyazîş endekê meylen
bo bidye we berg, bêx bałaman
min dił siftenan, adîşan daman
ewan perê dost bergişan řêzyan
min bergî bêxim pey ew bêzyan
fîday şewqî dost, germî řoy hamin
bê îxtyar send, îxtyar ce min
her kes bê tawen ce şewqî azîz
key qerar gêro, ta fesłî payz?
mewlam her kesê derûn piř derden
ce her wexteda zayf û zerden