fełek mişnasût karit çepgerden
From the Book:
Dîwanî Mewlewî
By:
Mawlawi Tawagozi (1806-1882)
1 minutes
987 views
fełek mişnasût karit çepgerden
dest dirazen pey zaman kerden
çêş mibo ey zam ne dił nederî
meḧrûmî wiłat qîblem nekerî?
pey to dîdenî şem dîdarekeş
pey to goşday řaz şeker warekeş
bełam ba wes bo ey tałey şûme
bazem diłweşim wey beru bûme
pey fênkîy dił herasanekeş
kafîyen tewaf řay asanekeş
azîz, kam hûn bî dîdem pê neřeşt?
ya kam zûxaw bî derûnim neçeşt?
ya dił kam meynet zamit nekêşa?
we kam qîmey derd cergim ne’êşa?
wesen kon taqet, biřyan sebûrî
metawun kerûn giftugoy dûrî
axir azîzim tewanam çonen
tewen nîyenan, dił goşt û hûnen
ayr dan bew tewr mobet seray dił
meyleket menden bêmesken xicił