memkuje to gerdenî xot řût le zulfan derxewe
From the Book:
Dîwanî Wefayî
By:
Wafayi (1844-1902)
3 minutes
5199 views
memkuje to gerdenî xot řût le zulfan derxewe
ey sebay sałḧan eto bikey em şewe řoj bêtewe
taqetim çû areqî gerdinit be zulfan win meke
ey sitarey subḧidem ewşoke zûtir derkewe
sûtbûm xom da penay zulifit demêk asûde bim
řût nîşan dam baz le sayey towe awrim girtewe
zulifit efşan kird û penhan bûy û dunyat kirde tem
xot wederna ’alemit sûtand û awrit kirdewe
ba be hewyay paybûsît ’umrî min kota nebê
meyxe pişt gwê, mergî min, bê zulfekanit berdewe
ulfetî zulifit çîye qurban legeł řuxsarî to?
xo be hîç dînêkî nabê kufir û îman pêkewe
hate ser xende ke min sułtanî ḧusin û diłberim
ẍayetî sûřet numay řojî cemałî min şewe
bay sebay berqe’ guşa bû? ya eto bûy xot nwand?
ya ne řîzwan derkî gułzarî beheştî kirdewe?
min leber ’eksî nîgahit kewtûm hoşim nîye
çawekey to her nexoşe ya ne serxoşî xewe?
xarq al’adatArabicy zulf û xał û xendey zarî to
mîşk û ’enber, şehd û şekker, le’il û gewher pêkewe
zulfî lada ta dyar bê ca’îlî leyl û nehar
řûy wederna ta bizanin xalq al’esbaḧArabic ewe
newřesîdey nexlî bałay şerḧî ḧerfî weḧdete
newr û nekhet, nûr û zułmet, nar û cennet pêkewe
wek serî zulifit debê kê bê ḧîsabî têk neçê
ger be naz to bêye pey meḧşer be çawî mestewe?
çim le ummêdî beheşt û bîmî dozex dawe min?
dozexî min her fîraqe, cennetim wesłî ewe
lêweket ’umirim bû şertit kird be dił carêkî dîş
wexte bû bimirim were ’umrî dubarem pê bidewe
xoş be naz řamebre, qurban, îltîfatêkit hebê
dadxiwah zor kewtûn nextê semendit bigrewe
taqî ebrot derxe şadim ka heta qurbanî bim
’îdî qurban çunkî şertî řu’yetî mahî newe
daxo çi bika paş xet û xałan sefî mujgan be naz?
leşkirî turkan ewa hat û feřengî pêşřewe!
ah û nałey bêqerarîm ’alemî xistote coş
guł benaz perwerdeye ey dił demêkî bisrewe
min le ser xakî derî yarî seferkerde nemam
namirim ehlî beheştim ger jyanim bêtewe
to hełsitay bew deme řoḧî wefayîPen namet zînde kird
ba qyamet kes nełê her yêke tuxuda hestewe