çi telîsmêke çi sîḧrêke çi sewdayêke
From the Book:
Dîwanî Wefayî
By:
Wafayi (1844-1902)
1 minutes
572 views
çi telîsmêke? çi sîḧrêke? çi sewdayêke?
serî zulifit ke dused çînî be hewdayêke
nałenałî diłî sewdazede lew perçemeda
ewe nîşaneye dêwaneyî sewdayêke
were menwaře be sûkî le nîsarî qedemit
eşkî dîdey teřî min gewherî deryayêke
ey şekerleb kemerî to çîye bew meḧkemîye
ke hezarî wekû min besteyî hewdayêke
nêrgise ẍaretî dîn, perçeme şêwawîy dił
her yeke afet û fîtney serî mewlayêke
kuşteyî tîẍî ẍemî, kafîye maçêkî demî
bełê ew dulbere lew ’esre mesîḧayêke
men’î nałînî wefayîPen name meke mecnûn sîfete
axir ew ẍemzede pabesteyî leylayêke