sed dûrî çun dił me’dûmîy diłteng
From the Book:
Dîwanî Mewlewî
By:
Mawlawi Tawagozi (1806-1882)
1 minutes
778 views
sed dûrî çun dił me’dûmîPen namey diłteng
maro ew firyad diłey sextî seng
sizan er gêro tem diłey kawan
hewr new we can řêzo hûnawan
bełam, taqetê, hay hewre aman
ha ne seferda şay newnemaman
nazkîş çun naz ce ḧed berşîyen
xatirdarîş ker wêney kes nîyen
wêş çon ḧewsełey weşt û tem daro
yadiş ne diłda zeḧmet muyaro
pey barî xatir ew şîrîn şêwe
çi ḧacet wey tem, wey seylî êwe
wesen dûy beden ce gyan cyay min
wesen seylî çem bextî syay min