subḧen boy gułan myawnom nesîm
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1407 views
subḧen, boy gułan myawnom nesîm
wêney way řeḧmet xezaney kerîm
seḧra û deşt û der beheşt minmano
morey heway weş we şeşder şano
ce her terefda mwînûn gułzar
řeng řeng medrewşo be wêney diłdar
lale gerden keç toy dîde řeşten
goya ’eksî yar we řûşda weşten
çemen ham lîbas sewz řeng poşan
wefraw çun esrîn dîdey min coşan
cemad û nebat gird şadîşanen
cemał řojî ’îd azadîşanen
temam řûy dinya ce şadî keylen
dił nebo peşêw fîraqî leylen
sehlen beharim dozex’asa bo
beheştim bêdos dozexnima bo
wer nedozexda yarim diłber bo
pey min ar ne toy gułşen weşter bo
dił dû zincîrey zułfî nîgaren
we seyrî sewze û seḧraş çi karen