hawdem

From the Book:
Řengaɫe
By:
Sherko Bekas (1940-2013)
 3 minutes  1105 views
êwaret baş! ey furatNamed-Entityy
le şaxewe beřê kewtûy
henaseswar.
ey daykî egrîce teřî kołwane tem.
ey piştî dest demarawîy
şîn û dyarî herdû kenar.
ey hawřêy şiłejawî xwaruxêç řoy
demê tîj û
demê hêwaş
êwaret baş!
***
to nebî çon min em jengî bêzarîye
ke se’atî jînî girtûm lêm bêtewe?!
her toy tenya lem mełbende terîkeda
bême lat û gwêm lê bigrî û le baweşta
lenaw colaney şepolî bê sirewtita
wek kuřî xot
des be qijî bijma bênî û
şipirzeyîm řabjenî.
minîş leserxo û be çirpe
axudaxî
şî’rî xomit bo hełřêjim
le qułayî û nisêy singita
giřey henasem binêjim.
to nebî çon min em jengî bêzarîye
ke se’atî jînî girtûm lêm bêtewe?!
her toy tenya lem bestêne xamoşeda
ey hawdeme şîrînekem!
min diłim pêt bikirêtewe.
***
leber demmay çawim lête
wek leser la řakşabî
destêkit wa lejêr serta û
anîşkit xistote ser lim.
şepolî nîgat pirşepirş
tîşkêkî zerd eden le min.
minîş le sêberî kiřî
darhencîrî geła pana
ke hetawî tîn tya nemaw
be pêdzikê be bałayda heł’eznê
înca wek seretatkê
lenaw pencerey çiłana
nawbenawê
der’ekewê û dernakewê
min lewêda be çwarimişqî danîştûm û
xeyałîşim wirde wirde
wek xorî îstey bakûrit
pişko’asa
lenaw toda niqum ebê.
***
dûr le yaran
dûr le wiłatî guł ’umer
řojanî řeng xołemêşîm tê’epeřn
perit perit wekû dûkełî ser
małanî dêy lay êwaran.
pestî wekû qewzeyekî
mełasî lînc
gyanî girtûm.
azarêkî girinicgirnic
wek girincîy bejnî řeqełey darxurma
diłnyayîm eřûşênê û
çiroy hestim zamdar eka!
gelê xewnim
wekû masî le aw kiraw
hêşta çawyan zeqeyan dê û
bełam xinkaw!
em řojane wekû jałe
lenaw zarî ’umrî minda
tamyan tałe.
bełam ey azîzanî dûr!
ey hawełe şîrînekan
le her kwê hen
yadtan wekû sêberekem
legełmaye.
name û wêney řengawřengitan
lenaw gîrfanî diłmaye.
xoşewîstî û tasey dîdarî winbûtan
dîwanî şî’rî tazeme û
lenaw defterî naxmaye.
***
şew baş! şew baş!
to şewkiwêr nît
ey daykî namoyî û sefer.
ey hawřê,
ey furatî be naw tarîkîya řaker.
gerçî îstake temaşam
wekû melêkî bał şikaw
nagate lat
ta mil hełsiwê le jêrçene û
maçit bikat.
bełam hajet wekû dengî
mêjûy besam
wekû dengidanewey derbendî
kipî leber şewqî mangeşewda sersam
zułał zułał
egate lam
ey hawřêy qet nenûstû!
min xewm dê û
eçmewe lay małî çoł û
jûrî tenyay henasesard
ta sibeynê lem asteda
be yektirî egeynewe
ey hawdemî taqutenyay
ẍerîbîy min
şewêkî şad!