jwan

demew beyan
katê hetaw, destî germî xiste serşanî şaxekan
katê gułałe pêkenî
kanî be naz le xew hesta
darekan biskyan dahêna
kiçêkî cwan
gozey sûrî tasekanî, berew kanîy xoşewîstî
xiste serşanegrîcey xaw, qef qef leser gona westaw
bonî simił û mêxek biław
şede û gêlgêle hełpêçraw...
be lence û lar, êcgar nazdar.
řêgay kanî tirîfe çin
kiçekeman ẍerqî xulyayekî bêbin
řêgay tase û ewîn ebřê, hêdî... hêmin
leber xoyewe nerim nerim
be dengêkî nask û germ hełîdaye:
«hawarêkî piř le tasem
le karwanî xoşewîstî be cê mawim
piř be naxim bonî sêsney ewînêkî xawên ekem
eme çend řoje yarim lê dûre
deşt û kêwanîş namgirne xoyan
gwêm bo zirîngey karwanî dûro kewtû řagirtuwe
her eřwat û min be şwênya hawar ekem...
diłdarekem...
diłdarekem xełkî wiłatî řeşeba, hewretrîşqe û barane
diłdarekem ser’êlî xêłî giryane
diłdarekem şiney baye, dengî şepolî zeryaye
xorî geşî beharêke hezar çiroy le diłdaye
diłdarekem...
gułe, baxe, dare, herde
diłdarekem, wekû şadî bêwefaye... bêwefayekotir fiřî... kanî girya... guł kirasî tasey diřya
sirwe hesta û em hawarey
wekû çirpeyekî şîrîn
wekû çepke bonêkî xoş
wek wenewşe
geyande lay şa’îrêkî sewda serî, şew nexewtûy
dił betase
bû be hewênî şî’rêkî piř henase
«subḧen boy gułan myawnom nesîm
wêney way řeḧmet xezaney kerîm
seḧra û deşt û der beheşt minmano
morey heway weş we şeş der şano
ce her terefda mwînûn gułzar
řeng řeng medrewşo be wêney diłdar
lale gerden keç toy dîde řeşten
goya ’ekis yar we řûşda weşten
çemen ham, lîbas sewz řeng poşan
wefraw çun esrîn dîdey min coşan
cemad û nebat gird şadîşanen
cemał řoj ’eyd azadîşanen
temam řûy dinya ce şadî keylen
dił nebo peşêw fîraq leylen
sehlen beharim dozex asa bo
beheştim bê dos, dozex nima bo
wer ne dozexda, yarim diłber bo
pey min ar ne toy gułşen weşter bo
dił dû zincîrey zułf nîgaren
we seyr sewze û seḧraş çikaren»lem mûsîqa diłî kanî û guł daxurpa
kiçekeman dił piř westa
ke seyrî kird,
wa diłdare, sewda sere û lêw be bare.
řêga ebřê û eçrîkênê
hawarî kird:
ey ew kesey lenaw diłma nîştecêyt û
be panayîy deştî tase le min dûrî
dûrî le to
a’em kirase piřçîney řengî xemî bo min dûrî
singî řeşî tase û dûrî be kêrdî giryan şeq ekem
lenaw lepî destî hesta
estêrekan esengênim
kamyan le kamyan geştir bê bot esênim
çawekanim kangay xem û tase û dûrî
piř le hawarî ewîne
diłî tengim tenya dyarî û toyşûy řême bot ehênim
ewe gyanim
nêwnîşanî ’eşqeketî tya bibîne
kundebebûy şûmî dûrî, hêlaneyan tya kirduwe
çolekey hezar pirsyarîş beser lêwmewe yexsîre
cantay xefet be destimewe sefer ekem
berew wiłatî xoretaw, ewîn, tase û pêkenîn
berew to dêm, ey xwên şîrîn
’aşiqî şêt û aware
diłî xozgey piř pejare
lay kirdewe lem haware
«azîz wes bûzem ne gêcaw xem
wes çun bînayî penhan bo ne çem
wextê ce wesłîç her diłim řêş bo
mişyo wesił û fesił ferqişan çêş bo»
«ax pey xełwetê bidyam we bê xem
sîway to dîdem kes nedyam we çem
dił pey dîdenit kam xełwet sazo
toy dîdeyçim bî merdim nimazo»