semay merg

baweşim kird be bałay xemekanda û
tund tund be xomewe nûsandin
yeke yekey ew xemane basî toyan bo ekirdim.
ewey ke basî kwêr bûnî çawî kirdî
ewey ke basî tînûyetî awî kirdî
ewey witî:
sûtay, sûtay, řeş hełgeřaw
le mêjûda wek tane, way
be nêwçawî celadewe
bo ew kese xawen bîre
ałay... ałay.
dwayîn katî hełqirçan û hełlerzîn û sûtan geyşit
baweşim tunditir kirdewe xoşim sûtand.
xemekanim beser kiło xełûzî leşma
semay merg û kořî şîwenyan egêřa
biłêseyan exsite nêw daristan û
lew demeda! erê... erê lew demeşda
xêra... xêra mijdey beyanyan ehêna.