şest qurbanî

lem mangeda
le bałeyyan leber demî her małêkda
gułêk eřwê.. gułî wa seyr nebînrawe!
şest çawî keskî pêweye û
şest xał wa be řuxsarîyewe û
şest milwankey le mildaye
le řengî xor.
lem mangeda
le bałeyyan lenaw ḧewşey her małêkda
darêk eřwê.. darî wa seyr nebînrawe:
şest destî sûrî pêweye û
şest gerdin û
şest pirçî mor.
lem mangeda le bałeyyan
lew dołeda zemawende:
şest estêre heł’epeřn û
şest deẍił nan eken û
şest kanî aw egêřn û
şest lutke teqe eken û
şest mel goranî ełên û
şest bax mîwe ebexşinewe
le kotayî em mangeyşda
le pêdeştekey soranda
bałeyyan û balîsanim pêk egen û
her şest be şest
bûkî xwênyan egořnewe!