hêşta le piştî bawka bûyn
beboney řapeřînekey 6y eylûlî 1930, bo hawtemenekanim, pêşkeşe.
From the Book:
Tirîfey Heɫbest
By:
Sherko Bekas (1940-2013)
2 minutes
1020 views
ewsa ême hêşta lenaw piştî bawka bûyn
le derûnî ẍeyb û dinyay çaw tarîka bûyn
ne des û dił, ne tam, ne bo, ne řeng, ne hewał
ne deng û seng, ne nawnîşan, ne xew, ne xeyał
hîçyan nebûyn, ke birûskey gyanî kurdistan
lenaw şewa řojî řûnî nwêy da’egîrsan
hîçyan nebûyn, ke em kurde qonaẍ be qonaẍ
sûrî ekird sengerî naw singî şaxudax
ke «eylûl»y gyan biłêsey ber derkî sera
termî řołey leser destî hîwa egêřa
ke řapeřîn bo azadîy sikî esûtan
ke bazûy jîn, kotî mergî serşořîy eşkan
ke fwarey xwên, leşî xakî tînûy sûr ekird
ke tarîkî, lejêr çingî hełmeta emird
ke hawarî karwanî řêy, řû le lûtkey berz
le naxewe leşî dinyay ehênaye lerz
ke tirîfey mangeşewî paş řojî kuştar
behêmnî enîşte ser xamoşîy nawşar
ke «pîremêrdPerson» kiłpey şî’rî leser yareda
le diřkezîy řiq û kîney dujmin ber’eda
ke «bêkesPerson»y bîr řûnakî neberd û aza
pişkoy şî’rî benaw diłî řeşa eçza
ême û bawkîş, hêşta lenaw piştî jîna bûyn
le derûnî winî dinya û, řêy nebîna bûyn
ke erxewan lenaw befra, çawî beharî
heł’ehêna bo şehîdî naw kurdewarî
ke xorî dem zamî şebeq le kej û herda
le xwên çepkê gułî ekird be yexey kurdida.