çawê hełbêne
From the Book:
Dîwanî Mezɫûm
By:
Mazlum (1916-1955)
1 minutes
650 views
çawê hełbêne ...
gyane be ’îşwe bes xot binwêne
aram le diłî ’aşiq mesêne
to bî û cwanît cefa menwêne
wekû ’aşiq çawê hełbêne
be çînî zułf û perçemî zerdit
be wirşew pirşey gonay bêgerdit
be lehcey xoş û şîrînî ferdit
her min mubtelam be dawî derdit
sa be nezaket çawê hełbêne
’aşiqim sebirim zor la girane
řaste diłdarî penhanî cwane
diłdar şermin bê zor bê wîcdane
le kwê řûpoşîn pîşey cwanane?
serpoş fiřêdew çawê hełbêne
bo xot ezanî giriftarî tom
kirdewey toye zamanî besom
bo to dêwanew dîl û řenceřom
xoşim nazanim řuwew kwê birom
bo minî hejar çawê hełbêne
ezanim nerim û nazk û teřî
be xişłî cwanî poştew befřî
řengînî dełêy gułe şestipeřî
pêm nałêy boçî lêman be şeřî
ya cwabê bide yan çaw hełbêne
bo xom famanim ebê be êşim
ebê be neşter diłey piř êşim
ebê be azar derûnî řêşim
heta key sezaw nasor bikêşim
bo deway derdim çawê hełbêne