dar’erxewan

le yadêtî silêmanî
beserhatî erxewanî
girdî seywan
cênzirgey bapîranî
aryanî
merdî jyan.
le yadêtî ke çon tewrî
zułim û cewrî
destî tawan
çon serbazî dagîrkerî
’usmanîyekan
kewtine dewrî
girdî seywan
bo biřînî dar’erxewan
erxewanî gyanî yaran.
le bîrêtî ke postałî
cendirmekan
pêşêlî kird çend minałî
giřugałî
saway jyan.
le bîrêtî ke çon dujmin
wek şêt û har
kewtine şaławî pelamar
bo xwênřişitin
tałankirdin
le ladê û şar!.
liqî sûtawî erxewan
bû be taney xemî kurdan
leser çawan.
řeş bû asman
be dûkełî dar’erxewan
bełam katê ke beharî
ladê û şarî
kewtine geşe û bûjanewe
darî řûteł řwanewe
wekû caran
sewz bowe erxewanî
ser gumezekey babanî
girdî seywan
ewsake dujmin pêy zanî
řegî ew dar’erxewane
bincî qûłî wek jyane!