ta neřêjî eşkî ḧesret dîdeyî giryanî ẍem
From the Book:
Dîwanî ’Arif ’Urfî
By:
Arif Urfi (1896-1961)
1 minutes
547 views
ta neřêjî eşkî ḧesret dîdeyî giryanî ẍem
key le ḧałî zarî min ḧałî ebin yaranî ẍem
mezre’ey ẍem derdî bê’awî ekêşê bo xwa
dest û birdê dabřêje hewrî ẍem baranî ẍem
řołey ẍem şew ke dê cêm nahêłê takû seḧer
dek xwaya bom bihêłî korpey newciwanî ẍem
şahî ẍem ẍemxiwarme, ẍemxorî ’îczî ḧałme
çon nebim memnûnî lutfî ḧezretî sułtanî ẍem
her le bûnî adem û ḧewawe takû ’esrî ḧał
kes buwe ḧałî le gêjî beḧrî bêpayanî ẍem
komełî řêy ḧeqperestî cem’î way bo hatuwe
gîrewey zîndanî ’eşq û min lenêw zîndanî ẍem
takû mawe em dû sê řoje le eyyamî ’umir
mesłeḧet waye ke řabwêrî legeł dewranî ẍem
gerdişî çerxî felek řojî ezel wa hatuwe
řoḧ û małit serf bikey bo meclîsî dîwanî ẍem
wa ezanim wextî çûnit çatirit des nakewê
cêgey xoştir le qebrî girdekey seywanî ẍem