bese hełse were kaye îtir têkoşe bo hozit
xatreyek bo lawanî nîştiman be yadgar
From the Book:
Dîwanî ’Arif ’Urfî
By:
Arif Urfi (1896-1961)
2 minutes
693 views
bese hełse were kaye îtir têkoşe bo hozit
biparêze le gurgî bê řeza małatî naw kozit
be tîrêkî řezedozit
ke hozit çaweřwanî hîmmetî merdanete řołe
meweste heste bistêne le cem’î naḧezit tołe
kuřim em kare meqbûłe
diłêkî pak û xawên pêkewe gişt layê têkoşin
dił û gyan giştî bifroşin heta em xake nefroşin
eger kurdêkî piř hoşin
hetakey be xewî ẍefłet, xêra ke çawê hełbêne
çiraẍî ẍîretit hełke be zûyî tołe bistêne
zû ke ’edût bifewtêne
kuřanî lawî kurdistan weten wa çawî lêtane
heta firset ledes neçwe xêra merdane azane
ke îmřo řojî kurdane
wekû řostem le meydana be şan û şewkete berze
be nûkî řim diłî porî peşengit bênewe lerze
leser êwe eme ferze
heta swarî mil û şanit nebûn ba ẍîretit hełsê
be rim kwêrî ke çawanî duwa a. m. t her sêMissing
nemênê takû dił pîsê
yekêtî şerte bo serkewtinî hozit zû yek bigre
be ḧîle qed nekey baweř be dûřûyî nexoy tefre
eme bo to cêgay fexre
’ezîzanim be diłpakî ke yektan girt û yek kewtin
delîlî qat’e yekyetye bo esbabî serkewtin
emete merdî derkewtin
eger mêjû temaşaken ebînin kawey asniger
leser kurdayetî kelley zuḧḧakî kirdibwe senger
heta moxî hênaye der
ke min mirdim wesîyet bê wetendaranî şîrînim
leser qebirim be kurdî bom bixiwênin we’iz û tełqînim
bizanin kurde ayînim