lêman şarayo diłsozî kelan
şîwen bo ḧeme lorî
From the Book:
Dîwanî Şêx Miḧemmedî Ḧîlmî
By:
Sheikh Muhammad Hilmi (1909-1985)
2 minutes
600 views
lêman şarayo diłsozî kelan
xwaḧafîzî xwast leser nîştiman
day le şeqey bał kotrekey gyanî
xoy wa řizgar kird le dinyay fanî
kirdewey pak bû exlaqî cwan bû
zor xoşewîstî gelî kurdan bû
le her şwênêka ḧemey tya buwaye
ew cêge weku dozex wa buwaye
be qisey zor xoş be nîktey cwan
ekewte sema mirdûy gořistan
her be ew e kewt xełqî diłxoş ka
her ew eyzanî bade noş bika
her xoy eyzanî le naw řefîqan
be pêkenîn û goranî cwan cwan
her kes xe fetî le diła buwaye
lay ḧeme lorî tozî bibuwaye
ew kese eyût her min bextyarim
her min dił fereḧ her min huşyarim
emca ba biłêyn ḧeme gyanim řo
diłsozî gel û nîştimanim řo
qise xoşekey naw yaranim řo
xumar şikênî ber beyanim řo
şew xełwet kêşî bade noşim řo
diłsozî řefîq zor peroşim řo
behêz û bazû pałewanim řo
newey naw şaxî hewramanim řo
te’rîxî fewtî no sed û ḧeftaw sê
bo nemanî ew hîç kes nepirsê
çûn ew namrê řoḧî baqîye
le beheştîşa her ew saqîye