tîrî xemzey çawekanit wa le cergim karîye
From the Book:
Dîwanî Tahîr Begî Caf
By:
Tahir Bey of Jaff (1878-1918)
1 minutes
1678 views
tîrî xemzey çawekanit wa le cergim karîye
êste eşkim wa be xuř dê, řengekey gułnarîye
nefsî serkeş, çend řojê ger cîhanit řam bibê
dił eger xoş key be xot, bê ’arîye, bem «’arye»
guł eger hat, xoy muqabîl ka be to, lêy nagirim
herze goye û bê wefaye, dulberî bazařîye
naşkê qurban diłim hergîz leber cewrî řeqîb
’adetî ew da’îmen her fîtne û bedkarîye
lêm geřên tenhanşînî kuncî xem bim ey řeqîb
derdekey min derdî eşqe û zor giran û sarîye
zahîdî xudbîn ke ḧeywane le wadî ’eşqida
řîşekey pan û dirêjî řeşme û û hewsarîye
sebir û hoş û řoḧî birdim her be carê êstekeş
hîç nema karî be min, peykarîye bem karîye
carê napirsî le ḧałî min meger nazanî to
zar û bêzar û nezarim karî min her zarîye
taze zanîwme leser dînî mesîḧaye nîgar
perçemî ’eynî selîbe zułfekey řeşmarîye
taqetî şî’rî nemawe hîç le ber řenc û fîraq
em kelame ger biłê tahîrPen name le ber bê’arîye