řwê fikirî bext syay wêm mekerd
From the Book:
Dîwanî Mewlewî
By:
Mawlawi Tawagozi (1806-1882)
2 minutes
1046 views
řwê fikirî bext syay wêm mekerd:
pey çêş her pestî perê min awerd
yaran gişt keyfiweş sefa firawan
yek yek we e’elay meqaman yawan
gird serşarî mey leqa nimawe
her min bestey xak çem ew dimawe
cew fikireda bîm yek hamderdî wêm
řêze bilûrê qedîmş dapêm
ama we cwaw řêzey qedîm sał
be zubanî ḧał fesîḧter ce qał
wat: min sengê bîm keftey hewaran
bêqedir û qîmet nařeway şaran
girtim ne gerden bêbak û şadan
bełay pîkî sext kûrey ustadan
wird bîm coşim werd tawyamewe
ta we řutbey berz ser nyamewe
’ałemê taze dîm hweyda bî
şexsê ’ecîwter cemin peyda bî
bîm we bilûrê piř ce sefa û nûr
layq we suḧbet bezmî selim û tûr
ga cay ma’ alurdArabic ’etrî ’ebîr bîm
bo bexşî demax şa ta wezîr bîm
ga maway sehbay koney piř te’sîr
neş’e bexşî ḧał pey buřna û pey pîr
ne cergey yaran şoxî dîde mes
mekerdim gerdiş meşîm des we des
cew bêqîmetî we qîmet yawam
we payey řutbey ’alî ser sawam
dewrey dûbarey řay ḧeq her kes dîş
boy baxçey ebed meyo ne bînîş
cew bono ew nûr hełay taqîyen
ne řêzey minda berqiş baqîyen
me’dûmîPen namey serşar bezmî diłřêşî
ta toyç çun yaran tesdî’ nekêşî
negrî we gerden çî ha ne řêtda
pa nenyey we ser wicûdî wêtda
key meşî ne sîlk yaranî hemdem
key řutbey ’alî mewînî we çem
herkes tewellud dûbareş nîyen
ełbet se’adet sitareş nîyen
ha ne eşkencey pestîy nengeda
ta menził gêro ne say sengeda