dîdem we dîdet şay şîrîn çeman
From the Book:
Dîwanî Mewlewî
By:
Mawlawi Tawagozi (1806-1882)
1 minutes
2243 views
dîdem we dîdet şay şîrîn çeman
fîraqit qamet kerden we keman
mezaq yend tałî dûrî to çeşten
hûnawekey çem serzemîn řeşten
ser peykaneket biřyen řiştey dił
we nasor keften daym mido çił
semtûrî sînem we zayełey berz
mejeno neway dûrît we sed terz
biłêsey kûrey derûn girten taw
ne botey xemda derûn kerd we aw
gilarawekey ce to cyamen
wextî lwakey ewe namamen
pûşekey hestîm, gyakey pay çem
way nîstîy fena berdiş pey ’edem