dexîlim xało zedey zamî sext
From the Book:
Dîwanî Mewlewî
By:
Mawlawi Tawagozi (1806-1882)
1 minutes
678 views
dexîlim xało zedey zamî sext
ḧał şêwênekey me’dûmîPen namey bedbext
řaz řêzey şeker, şay şeker řazan
fitêłe pey zam kesê misazan
wextê dił we tîr meynetan řêş bo
cew dima temay sařêşî pêş bo
xo cay peykanan jar werdekey to
ta ber peřey dił pey kerdekey to
wextê fwarey hûnawan pêşen
zuxaw coş bido, ane sařêşen
dergay meynetan cay nedameten
nasorîş yad’ar řoy qyameten
fitêłe pey çêş řo we yanem řo
yek car dad ne des îstîẍnakey to
to pîrit bazem dił weşîy diłen
ẍemzedey zaman weşîş muşkiłen