bo hîway xuşkezam
From the Book:
Dîwanî Kakey Felaḧ
By:
Kakey Fallah (1928-1990)
1 minutes
712 views
le dûrewe ke hewałî cergibřî tom bo hat
melî tasem hełfiřî bo asmanêkî kiş û mat
ta lewêwe, be şêneyî, şoř bêtewe berew xwar
jêr dirextê, ser biniçkê, bo xoy bika be hewar
ta bitwanê, têr têr bigrî, bo hîway ledes çûman
řołey şermin, pepûley wêł, berxî le çaw win bûman
bênête pêş, lew dûrewe, şêwekey to hîwa gyan
çon gulley wêł beřêy kirdî bo ser girdekey seywan
wird bêtewe le řewişt û le temen û bałaket
le qełem û le defter û kitêbî naw cantaket
le şebeqî zamî laçaw, cil û bergî xwênawî
hawřê yanî qutabxane û wêney taze gîrawî
le şwên û řê û le pêxef û hezaran hełsukewtit
bê jimare yadgarî giř tê ber bûy dwakewtit
gwê şil bika bo şîwenî germ û guřî řołeřo
dayk û bawik û xuşk be to řenc babirdûy řenceřo
ax kostî to, wek gulleke, çiza beser diłmana
kulanewey zamî nasor her ejî legełmana