dûrît dyaren çend saḧîb nêşen
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1990 views
dûrît dyaren çend saḧîb nêşen
toy derûn we xar nêşêwter řêşen
herçî bwînûn şêwey to pêşen
dił we hetîtey ḧesretda kêşen
her mahê new bo ḧałim peşêwen
çun hîlal şêwey ebroy toş pêwen
ne şew řaḧetim, ne řo diłşadim
şew zułf û řo řût mewzo ew yadim
şimşad û nergis wenewşey çemen
seyrşan azar bînayî çemen
ad maro be wîr terzekey bałat
ew dîdey mestit, êd xałî ałat
soçnom ḧesret derdî cyayît
nek çun biłêsey yadî tenyayît
we mergit, dîdem, ham ne guzerda
minîç lam lay ton aro ya ferda
mutrîb meqamê derdim naçaren
saqya camê dos întîzaren