lezman cwane mergêkewe
From the Book:
Dîwanî Kakey Felaḧ
By:
Kakey Fallah (1928-1990)
2 minutes
486 views
bira! herçen řaburdî belay mina biřwane
sitem gořî hełbestim lem ser girdî seywane
lebeharî lawî ya xezan berokî girtim
xwênî ałî dił řengî gułî dar erxewane
şebeqî nawdiłî min dyare lenaw diłana
wek ew hewrey ke egrî leser em şare cwane
derd û beła û meynetî wekû terze ebarê
bo pêkanî henase tîrî le naw kewane
her le biłêsedaye agirî destî mindał
her hoy lêdanî diłe bewêney aw řewane
çen gułî zerd û surî bon xoşî naw em baxe
bedestî qest hemîşe pê şêlî baxewane
bilbil û kewî kêwî gîrî qefes û dawe
lederkî hêlaneda her řawker pasewane
minîş kecê nişîn û aram girtûy em gořem
gułêkî hełpiçurkaw, nakamêkim lewane
ke wa řojê le řojan payîzî sextî matem
behar û xozgey jînî kirdim be pêçewane
le şwênêkî penawe řeşebay xezanî merg
gułî werîwî ’umrî birdim bo ew kêwane
biruskey agirînî hewrî řeşî em koste
sûtanî cergî kes û karim wekû perwane
gerçî baweřim waye: kase piř bû lêy eřjê
kasey xwênî řijawî naheq piřu lêwane
be germîy xwênî ałî cwanemergî xêr nedîw
esûtê text û bextî ewey ke wa tawane
bełam ax sê diłope firmêskî qetîs mawim
leçawa bo «beyan û kameran û sîrwan»e