basî xewbînînî xusrew be ḧezretî miḧemedewe
From the Book:
Şîrîn û Xusrew
By:
Kamali (1886-1974)
3 minutes
59 views
şewêk nûstibû şahî tacwer
le xewda çawî kewt be pêẍemer
swarî espê bû dehat beyelẍar
wekû mang hełbêt le asoy kosar
be tundî gutî xusrew were lam
le kifir lade bigre řêy îslam
xusrew ’erzî kird gutî ey emîn
serîşim bibřî lanadem le dîn
her ke emey gut xusrew, mistefa
ḧîdetî fermû qemçêkî lêda
řapeřîy le xew xusrew ke hełsa
hemû endamî delerzî tirsa
aramî nema sê mang nexoş kewt
bê xorak û xew satê nedesrewt
lepaş mudetê gutî be şîrîn
hełse bo seyrî xezêne biçîn
çil xezêney bû piř dûř û gewher
piř le zêř û zîw lu’lu’ û cewahîr
xerîte leser xerîte hemû
danrabû hîy şahanî pêşû
yek yek seyrî kird padşay serwer
kilîlêkî dî lepaşan le zeř
hîy sinduqêk bû ke le meřmeř bû
qufłekeşî her ałtun û zeř bû
katê kirdîyewe ew sinduqe şa
seyrî kird le zêř lewḧêkî wa tya
leser ew lewḧe ałtûne be zîw
çend dêř nûsrabû cwan û kesnedîw
xwêndewaranî qedmyan hêna
ke ew nûsrawe bixunênewe ca
ke xwêndyanewe ’erzyan kird gutyan
hîy erdeşêre kuřî babekan
be ’îlim û řemił estêre û nicûm
wextî xoy lelay ew buwe me’lûm
nûsîwye kewa le mułkî ’ereb
gewreye debêt be esił û neseb
xatemî hemû pêẍemerane
xawen mu’cize û saḧîbqiřane
her kesê dînî ew qibuł bika
serfiraz debê le herdû dunya
her kesê şer’î ew bika qibûł
ew kese şah û serdare û meqbûl
xusrew emey dî coşî send gyanî
lerzî sertapa goşt û êsqanî
emca têgeyşit me’lûm bû kewa
em bû le xewda qemçîyekey lêda
şîrîn ke zanî xusrew şêwawe
řengî zerd buwe hełbizirkawe
’erzî kird gutî ey şahî cîhan
warîsî text û tacî newşîrwan
pêşînan kewa deken ḧîkayet
pêẍemerêk dê saḧêb wîlayet
weha nûsrawe ke lepaş çend sał
dête řûy dunya be ’îz û îclal
yeqîn bizane cêy gałte nîye
ba ’erizit bikem çareman çîye
çar her emeye biçîne ser dînî
ba nebîn tûşî derd û ẍemgînî
cwabî dayewe gutî be şîrîn
řaste lelay min me’lûme yeqîn
ke pêẍembere ew zate bełam
le to me’lûme ecdad û abam
saḧêbî supa û tac û ’elem bûn
warîsî textî cemşîdî cem bûn
le dînî ewan çon waz bihênim
le řûy şahana xeceł demênim
her çend min diłim arezû deka
îta’ey bikem, bextim ře’î nada