basî xeberpirsînî zorab le hecîr le babet leşkirî êran
From the Book:
Rostem û Zorab
By:
Kamali (1886-1974)
9 minutes
9 views
zorab witî ew xêmey zeřbafe
dîregî kewa le zîwî safe
tya řaxrawe ferşî çînî kar
tya řîzkirawe kursî zeřingar
cwanê danîştuwe tya be tacewe
sermest, be banî kursî ’acewe
yekcar be same zur heybetdare
hey’etî gelê gewre û serdare
le řast û çepî takû lay ’elem
sef sef pałewan westawin sercem
pêm biłî kêye ew tacdare?
ke řûy wekû mang cwan û tabdare?
hecîr witî pêy keykawus şaye
xawen ḧeşem û ała û supaye
zorab witî ew xêmey etłes fam
tenaf xeyate estûn zîwî xam
estûnî zîwe ałay zerd řewneq
edrewşê herwek estêrey şefeq
serî beydaxî kelley ejdeha
kałay sertapa metay bê hawta
lejêr beydaxa danîştuwe cwanê
lelay westawin çend pałewanê
kêye wa xawen supa û leşkire?
witî ew zate tusî newzere
pirsî ew xêmey ke lacîwerde
dîregî hemû zêřî bêgerde
dengî tar û ’ûd seday saz û çeng
dêt be sozewe le xêmey gułřeng
direfşî keyan bêgerd nehengidar
kałay qîmetdar metay kes nedar
xêwetî kêye weha samdare?
witî hîy guderz şêrî şikare
heşta û heşt kuřî heye be ḧisab
şêran le tirsî cergyan bû kebab
witî ew xêmey sûrî gułnarî
estûn nuqrebend lacîwerdikarî
tenafî awrîşim hemû danebend
pya hełwasrawe çend ḧelqe kemend
serî beydaxî be wêney mare
wa le etrafî çend hezar sware
xêwetî kêye? witî hîy gîwe
kuřî guderze hîç kes nedîwe
zaway řosteme piř zat û zore
şêrî meydanî řoy şeř û şoře
emca pirsî ew xêmey sipî řeng
le lay westawin swaran bo ceng
tenaf awrîşim estûnî le zîw
destikirdî westay xasî kes nedîw
cwanêkî tyaye wek ẍunçey behar
gwêy girtuwe le dengî def û ’ud û tar
peřî tawsî dawe leser tac
danîştuwe leser kursî darî ’ac
kêye pêm biłê şox û nazdare?
dyare şazadey ’alî tebare
witî fereydun zeřřîn kulahe
şêrî meydane ferzendî şahe
ca pirsî ke ew xême dêzřenge
le dewrey qetar espanî cenge
beydaxî heye wek çinarî berz
serî birduwe bo felek le erz
serî beydaxî wek kelley şêre
dyare beydaxî pyawî dilêre
witî hîy behram newey guderze
seday gewreyî le dinya berze
witî ew xêmey zeřbafî ẍara
dyare le new’î xêwetî dara
kenarî zêřîn dewrî gułnare
qîmetî kałay hîç kes nedare
beydaxî le dewrî xêmey peydaye
serî wa leser ewcî e’laye
xêwetî kêye? witî bizane
hînîy bîjene şêrî jyane
kiçezay řostem le newey şêre
pałewanêkî aza û dilêre
witî ew xêmey gewrey nîlengî
’elemî le terḧî ejdîhay cengî
mêxî sertapa le sîm û zeře
’elemî leser çerxî efsere
tenafî awrêşim saf û keşîde
nadrey zeman hîç kes nedîde
cwanê be berg řûy meydanewe
be gurz û gopał bê samanewe
tya danîştuwe wekû şêrî mest
ẍułaman lelay dest le banî dest
řexşê le berdem xêmey dyare
serzînî sûrme û zînî teyare
çend ḧełqe kemend hemû çermî xaw
wa be zînewe hemû hełwasraw
sîlaḧî cengî zore ew cwane
xuftanî le pêst bewrî beyane
ew merd û řexşe ḧełqey kemende
le êranyanda zor lam pesende
merdêkî waye manendî keme
eger ’eqiłim bê ewe řosteme
ew şexse kêye to pêm biłê řast
newek řostem bê be awatim xwast?
hecîrî guderz şumî bedkirdar
be mekir û ḧîle ca hate guftar
witî be zorab gewre û emîrim
nawî ew şexse nîye lebîrim
hênde ezanim merdêke aza
taze hatuwe ew le buxara
legeł çend hezar cengî dilêran
hatuwe bo îmdad padşay êran
cwabî dayewe zorabî dana
witî pêm biłê tu xwa řostem kwa?
řostem zor gewre û ’alî meqame
pêm biłî xême û baregay kame?
witî řoyştuwe bo baẍî sedterz
wa le paytextî çinaranî berz
gwêy girtuwe le deng neẍmey goranî
nehat bo îmdad şahî keyanî
cwabî dayewe zorabî aza
witî key we’dey seyrane êsta
řostem azaye wekû şêrî neř
çon paş ekewê le ceng û le şeř?
to řastit newt eme cezat bê
şerte ta mawî zîndan cêgat bê
hecîr le diłda eyut ger řostem
bem pałewane min nîşan bidem
lewe etirsim axir ser’encam
zerer bibê bo newey załî sam
weha baştire boy nekem ’eyan
ba min bikujê bêzarim le gyan
bawkim guderze le ’alem dyare
heşta û heşt kuřî heye û nawdare
be ẍeyrî qewm û xwêş û eqrîba
ba min bikujrêm xo hîç kem naka
ca zorab witî le diłî xoyda
řostem dyar nîye herçend ḧewłim da
wa supay dujmin hatuwe beqîn
leşkir řakêşim le zabil zemîn
em xeyałey kird zorabî dana
ca be řiqewe hełsa û xiroşa
girtî piştêney merdî herzekar
ḧeway da le burc serbanî ḧesar
lewlawe emca le supay êran
şahî keykawus be dił û be gyan
destî kird be bezim keyanî destûr
gwêyan le deng newa û seba û şor
řostemî destan hełsa azane
witî emewê ew pałewane
bibînim be çaw bizanim aya
çone wa ełên řeşîde û aza
eçim ebînim min ew salare
bizanim kêye axo çe kare
lîbasî şewî xêra kirde ber
hełsa azane wekû şêrî neř
şewřengî poşî be wêney dizan
řûy kirde seḧra û çoł û byaban
řwîşt geyşte heywanî sera
be matemate emca řawesta
seyrî kird bezmî turkan betabe
zorab xerîkî noşî şerabe
lay destî řastî zorab human bû
lelay çepîyewe cay dilêran bû
sed pałewanan le şerab sermest
lay řawestabûn dest lebanî dest
řostemî destan muteḧeyîr ma
le diłî xoyda witî be xuda
be şan û bahû wek same û řostem
xencer ekêşî le çerxî ḧewtem
be bała ’eynî same û nerîman
her wekû załe purî kerîman
wextê ke řostem le miłkî turan
leşkirî hełgirt biçê bo êran
daykî zîndeřezmî legełya henard
zor nesîḧetî kird û pêy sipard
witî dexîlim ke çûyte êran
ebînî ewsa cengî dilêran
yeqîn keykawus şay êran zemîn
legeł xoy dênê supay sehmigîn
ew řoje cengî dilêran ebê
heyahey piłg hem şêran ebê
katê ke řostem ebînî be çem
zû biço bo lay to be xatircem
sucdey bo bibe řû bisû le xak
biłê kuřî tom ey şêrî bêbak
řostem ew şewe be diłî bê tab
wextê ke řoyşit bibînê zorab
le nakaw zorab hełsa lenaw bezim
bo ewey biçêt bo şeř û bo řezim
le bade û şerab nabî bo ’enber
mest bû le derga ke řoyşte der
seyrî kird yekê le duşminanî
xoy mat kirduwe wa be penhanî
zorab be tundî ke lêy kird su’al
witî çe karey to çîte xeyał?
cwabî nedawe nehate guftar
emca zîndeřezim řûy tê kird beqar
kemerbendî girt bê tirs û endêş
řostem ca beqar boy řoyşte pêş
miştêkî lê da be tundî řostem
şîrî mindałî hatewe nawdem
meẍzî leserî be carê pija
kewte serzemîn wekû tow řija
cestey zîndeřezim ẍełtanî xak bû
axrî ’umrî hat, zû řoḧî derçû
teqdîrî wa kird xuday banî ser
zorab le bawkî bibînê zerer
hatne derewe human û behreman
dîyan zîndeřezim kewtuwe bê gyan
sersam bûn wityan eme çon kar bû?
kê bû bem new’e wa ẍîretdar bû?
wityan be zorab kê em karey kird?
to selamet bî zîndeřezim mird
temaşayan kird muteḧeyîr bûn
laşe kewtibû ẍerqî xak û xûn
wityan ba emşew ta wextî seḧer
êşkiçî bin çend merdî dilawer
sibeynê be îznî xuday lamekan
ebê ber bad kem leşkirî êran
xułase řostem geřaye dwawe
seyrî kird ke gîw wa be řêgawe
gîw pałewanî paytextî şa bû
be şew êşkiçî êran supa bû
şimşêrî kêşa gîw manendî şêr
çû berew pîrî řostemî dilêr
řostem tê geyşit gîwî serkêşe
be şew pasewan dił bê endêşe
witî ay nekey nûrî dîdey min
salarî giran berguzîdey min
gîw witî řostem le kwê bûy tû xuda?
be tenha sware le deşt û seḧra
witî řoyştim bo seyrî zorab
bo dîtnî ew yekcar bûm bê tab
herçend be bała tazenemame
be şan û şewkit ewladî same
ḧeyfe pałewan «turan» wiłate
řoḧî nizîkî yewmulmemate
şimşêr ekêşê bo çerxî exzer
bełam be destî min ebê bêser
ke em qisaney bo gîw tewaw kird
çû bo xêmey xoy řakşa destubird
serî nayewe lenaw řextî xwab
ney noşî be şad pyałey şerab