basî kaẍeznûsîn bo keykawus şah
From the Book:
Rostem û Zorab
By:
Kamali (1886-1974)
3 minutes
47 views
bawkî semenbo gelê bû sersam
bangî kird wezîr xawen hoş û fam
kaẍezî nûsî benawî xuda
paş ’erzî ḧurmet bo keykawus şah
witî keykawus padşay êran
salarî serḧed cengî dilêran
humêdim be zat cîhan aferîn
bimênî diłxoş leser řûy zemîn
ta axir zeman leser textî zeř
ḧukimit řewa bê dinya seranser
me’lûm bê le lat şay ’alî tebar
wa efrasyab fîtney řozgar
supay ’ezîmî hênawe bo ceng
dinya le ême eka tar û teng
le xême û çadir awrîşim tenaf
seḧra û ser zemîn bû be zîwî saf
cwanê ke ’emrî çwarde sałane
salar û serkêş kemerlałane
wextê heł’egrê tîẍî hîndîkar
neheng le derya ebê bêqerar
hatuwe le turan bo şehryarî
zor ẍułamanî kirduwe ḧesarî
hecîrî kirduwe le meydan esîr
destî bestuwe be řewq û zincîr
kesê nemawe le swarî şeřker
biçête meydan bo ’ersey xeter
îtir îxtyar bedestî şaye
necatman bide zû lem bełaye
’erzey zelîlî wextê tewaw kird
day be qasîdê witî destubird
witî to bîbe zû be tekudew
hîç řameweste be řoj û be şew
herçî genc û mał le qełada bû
baryan kird be şew fîraryan kird zû
beyanî katê xurşîdî xawer
le burcî meşrîq serî hateder
zorab xeber bû le xewî şîrîn
le daẍî kiçe dił piř qar û qîn
kirdî be berda esleḧey řoy ceng
swarî esp bû xêra bê direng
leşkirî turkan hatin bo neberd
zemîn tarîk bû hewa lacîwerd
espî yelẍar da zorabî nawdar
şikandî be gurz derwazey ḧesar
le şwên semenbo, geřa ser ta xwar
neydî nîşanî duxterî nazdar
bar û barxaney birde naw qeła
lewê mayewe zorabî wała
lewlawe qasîd wekû bay şemał
geyye paytextî şahî kemerlał
ser le beyanî çû bo barega
namekey daye des keykawus şa
hemû eḧwałî xoyan seranser
’erzî kird lelay şahî tacwer
wextê xwêndîyewe namey dilêran
zor řiqî hełsa padşay êran
bo bîjen û gîw gurgîn mîlad
řeham û behram guderz û guşwad
tus û fereydun şazadey keyan
şîdweş ferhad newey kawyan
basî kird qisey zorab sertapa
pałewanekan zor seryan sûřma
hemû sersam bûn lew qise û base
xatir perêşan bebê henase
şah witî kamtan piř zor û samin?
kêtan hunermend berze meqamin?
sibeynê biben leşkir û supa
wekû şêr biřon bo şeř û de’wa
wextê ke derkewt şu’ley aftab
zû biřon legeł supay bê ḧisab
leşkirî turkan biken qetlu’am
bibin be wate ta yewmulqyam
le pałewanan baregahî şah
kes nebû biłê min ebem supah
hemû bêdeng seryan xiste xwar
lepaş muddetê hatne guftar
wityan padşah azayekî wa
ke daym şimşêr le řûy hewr eda
hecîrî kewa kirduwe esîr
be yezdanî pak xuday bê nezîr
meger her řostem le zabil zemîn
biçê bo cengî le meydanî qîn
be ẍeyrî eme nîyetî çare
pałewanêkî yekcar zordare