oxey
be boney şořşî 14y gelawêjewe
From the Book:
Dîwanî Kakey Felaḧ
By:
Kakey Fallah (1928-1990)
2 minutes
686 views
mijde bê ey xuşk û bira
ałay azadî hełkira
dezgay cimhurî danra
paşayetî pêşêl kira
oxey, oxey gelim şade
le tewqî dîlî azade
hêzî merd hate kayewe
baregay şay pêçayewe
textekey hełgîřayewe
serkewtin dengî dayewe
çwardey temuz hawar eka
le lay êmeş bastêł şika
cejnî azadî emřoye
giznigî xorî asoye
řûnakî bo min û toye
bo cergî naḧez pişkoye
şemşemekwêre derkewê
çon be şeware nakewê
oxey kurd û ’ereb şade
le tewqî dîlî azade
zincîr û kotî ber bade
hawdemî řojî mirade
împiryalîst û nokerî
wek gełay payîz hełwerî
serkewtin her bo heq buwe
dway şewezeng şebeq buwe
cê be îsti’mar leq buwe
nokerî şeq û peq buwe
emřo hate dî ew xewe
ke awatî em û ewe
oxey ke dił kirayewe
gyanî şehîd jyanewe
tołey xwênî dirayewe
xunçey hîway geşayewe
bo mizgênî em serdeme
her oxeye û leser deme
hatote dî xewî xoşim
boye wa şad û diłxoşim
hertêr nabê hest û hoşim
ay çen betase û peroşim
diłim şade, lexem dûrim
pepûley sergułî sûrim