şîwenî payz
From the Book:
Dîwanî Kakey Felaḧ
By:
Kakey Fallah (1928-1990)
2 minutes
1139 views
mepirse bo çî mat û xembarim,
bo çî řeng zerdim, bo lêw bebarim
bo deste ejno mil be larewe
firmêskim be xuř dête xwarewe
bo çî peşêwe qijî zerdibawim
qijî leser řû perş û biławim
bo çî firmêskî sikała û řazim
eşorêtewe gonay bê nazim
bo nebřayewe of û axî min,
henasey sardî piř le daxî min
bo dwayî nehat şîwen û řořo
xem û temî ser diłey řenceřo
leber kirdewey çerxî çepgerde
firmêsk eřêjim řengekem zerde
bêzare dił û derun û gyanim
ledes binaẍe û şêwey jyanim
key řeway ḧeq bû bême dinyawe
tepawtil bidem be dem sizawe
çon diłî hênay gerdûnî bê bak
behar bigořî be minî xemnak?!
behar ke wadey cwanî û xoşîye
serdemî pyałey bade noşîye
siruşt be bergî al û waławe
taze bûkêke û xoy letel dawe
pê ekenê guł, şade le baxa
ba diřk her şeq berê le daxa
be badey şewnim bilbil sermeste
aheng egêřê bo guł be beste
pepûley nexşîn lenaw beheşte
boxoy sergermî seyran û geşte
pol pol kuřan û kiçanî nazar
xem be ba eden le derewey şar
leser karêz û ferşî sewze gya
le deşt û doł û serlûtkey çya
ke çî ewendey pê naçê gerdûn
em dîmenane eka seringûn
becwanemergî behar enêjê
xwênî huner û cwanî eřêjê
sîs ebê gułî zerd û sûr û ał
heł ewerête berpêy dirk û dał
kostî ekewê bilbilî deng xoş
beste û goranî eka feramoş
şewnim ledaxa ser enêtewe
pepûleş bałî epêçêtewe
îtir hîç kesê bo seyran û geşt
nagrê milî řêgay der û deşt
gełařêzanî dar û direxte
serey hatnî minî bedbexte