ey şew
From the Book:
Dîwanî Kakey Felaḧ
By:
Kakey Fallah (1928-1990)
1 minutes
910 views
dirêxîm lê meke ey şew, be hêzê cûte bałî řeş
zemînî jînekem yekser bixe naw sêberî baweş
be serma şêwe řeşmałî hełîbe custekem bigrê
heta etwanî pirşingî jyanî şadî min bibřê
mehêłe řû be řûy min bêt berew řûy zor be derbestî
biço takû letwanata heye zûbîke berbestî
biřo herçî ekey derbaremî ke sa be çalakî
pelamarêkî şêrane bere ser tîşkî řûnakî
be qamçî gazeray piştî seraser twêxî damałî
berew dwa bê ewey sił key newey řûnakî řamałî
le amojgarî estîre û řeşî ew hewre taraye
ke şêrazey çinînî çoteyek çî ket le baraye?
be gyanêkî nebez piř dem ełêm toy mil keçî fewtan
nemane paşeřujî hêzî karwananî řê çewtan