diłe řageket xeylê tarîken
From the Book:
Dîwanî Mewlewî
By:
Mawlawi Tawagozi (1806-1882)
2 minutes
2366 views
diłe, řageket xeylê tarîken
pirdeke sexten, xeylê barîken
saray hîdayet tarîk mewînûn
řay necat yekcar barîk mewînûn
çołe çirawê perê wêt saz der
we qed twanay wêt barbendî ker
er guna řay řas berdenî ce wîr
şonî pay kirdar hamferdan hurgîr
beł lew dîwanda dêwaney serşêt
xecałetî bezim yaran neyo pêt
barê er ẍefłet dam tenden ne řêt
nîyenî we teng şermesarîy wêt
yadî ew serwer we derûn bawer
er waçan peneş new bezmî meḧşer
ye mensûbî ton îne kirdeşen
çenî twanay ser hurderdeşen
ew be şermewe midyo be werda
min mişyo kam xak kerûn we serda
îse mwînî çêş penem aman
hana hawaren hay neyçî aman
ciftî me’syet, ce ta’et taqim
řû syay meclîs cergey ’uşaqim
bînay wicûdim xecłet esasen
bextim muxalîf, namedîm řasen
sebaNamed-Entityy henasem ne derûn sed terz
kerden kiłpey nar îbrahîmî berz
pencet bew neẍmey bîn we tînewe
bawere ey beyt we ḧezînewe:
sehlen min řûzerd ser ne werenan
ay mayey tesdî’ peyẍemmerenan