bab 2
1) û de řojî sêyemda dawetêk de qanay celîlîda bû û daykî yesû’ lewê bû.
2) û yesû’ û şagirdanî wîş bo dawetê bang êştiran.
3) û ke şerap kem bû daykî yesû’ be wî gut: «şerapyan nîye.»
4) yesû’ be wî gut: «ey jin, çim degeł tu heye? se’atî min hêşta nehatuwe.»
5) daykî wî be xizmetkaranî gut: «her çî ke be engo biłê bîken.»
6) beła şeş kupey bird wekû ’adetî pakkirdinewey yehûdîyan lewê dandira bûn ke her yekêk dû yan sê meşkanî degirt.
7) yesû’ be wanî gut: «kupan piř biken le awê û ewanyan piř kird heta ser lêwan.»
8) û be wanî gut: «ewêsta hełbikêşin û bîbene kin gewrey meclîs û ewan birdyan.»
9) emma wextêkî gewrey meclîs ew awey ke bibû be şerap tamî kird û neydezanî le kwêye, beła xizmetkaranî ke awyan hełkêşabû, deyanzanî, gewrey meclîs zaway bang kird.
10) û be wî gut: «her kes hewełê şerapî çak pêş dadenê û wextêkî mest bûn ewey xiraptir. eto şerapî çak heta ewêstat řagirtuwe.»
11) yesû’ ew destpêkirdnî nîşanan de qanay celîlîda kird û celalî xoy aşkira kird û şagirdanî wî îmanyan be wî hêna.
12) lepaş ewey ço xwarê bo kefernaḧumî boxoy û daykî û birayanî û şagirdanî û zor řojan lewê neman.
13) û fesḧî yehûdîyan nîzîk bû û yesû’ weser kewt bo urşelîmî.
14) û de heykelîda ga û meř û kotirfiroşanî peyda kird û seřafan řonîştû.
15) û qamçêkî le binî dirust kird û hemuwanî le heykelî der kird, meřan û gayanîş û dirawî seřafanî řişte derê û textanî wergêřa.
16) û be kotirfiroşanî gut: «ewane hełgirin le êre. małî babî min be małî ticaretê meken.»
17) şagirdanî wî webîryan hatewe ke nûsrawe: «ẍîretî małî to emin dexwa.»
18) ew demî yehûdîyan cwabyan da û be wîyan gut: «çî mu’cizeyek be me nîşan dedey ke ew çitane dekey?»
19) yesû’ cwabî da û be wanî gut: «ew heykeley biřûxênin û be sê řojan hełî destênmewe.»
20) ew demî yehûdîyan kutyan: «ew heykele be çil û şeş sałan dirust kirawe û erê eto be sê řojan hełî destênîyewe?»
21) beła ew beḧsî heykelî bedenî xoy qisey dekird.
22) leber ewey wextêkî lenêw mirduwan heł estandira bowe şagirdanî wî webîryan hatewe ke ewey kutbû; û be kitêb û bew qisey ke yesû’ kutbûy îmanyan hêna.
23) û ke de urşelîmî de cêjnî fesḧîda bû, zoran be nêwî wî îmanyan hêna, wextêkî ew nîşananey wîyan dî ke deykird.
24) beła yesû’, xoy be wan nedespard, leber ewey ke ew hemû kesî denasî.
25) û çunke muḧtac nebû ke kesêk beḧsî însan şayedî bida, çunke ew boxoy deyzanî de însanda çî bû.