biruskeyek le diłewe

şagirdekan.. cêtanim hêşt
kecêm hêştin..
serkewtintan.. hêşta bêçûy naw hêlaney têkoşan bû
kecêm hêştin.. azuxey mał wêranîtan
lenaw terazûy kêşan bû.
royştim û.. xoşewîstîm, mał awayî lexoşewîstîtan nekird
êstaş çawim legryane
le’êweyan dabřîm û xistimyane, bendîxane
royştim û beharî sûr, meley lenaw rubartana nekird
xoşewîstîm, mał awayî leyadgartana, nekird
*
şagirdekan.. ḧezim dekird, germî yek bim
lejêr cilî darutana.. rawî tezûy zistan bikem
ḧezim dekird.. asmanê bim
gulley samî bizey êwem lê têpeřê û basî berî bêstan bikem
dûrnîm lêtan,
minałekan
lerojbaşa.. lesrûdî berebeyan, detan bînim
legełtanim, lexawênî wi’awêney dîwarî vyan, detan bînim
minałekan.. wek şagirdê, wek fêrkarê, hawełtanim
legeł zengî hemû beyan..
wek çepke nêrgizî jyan
legełtanim..
şagirdekan.. durnîm lêtan
nizîktanim..
tuxmî şîley gułe genmî ferîktanim
lenaw cantay kitêbtana, ders û şîkarî şewtanim
nizîktanim.. kawey newrozî xewtanim
legełtanim.. lehatuçoy qutabxane
diłim lenaw diłtanaye..
pepuley zîndanî temen, lenaw baxî gułtanaye
*
şagirdekan..
lefêrgey xoşewîstîtan
bepřipołey xwêndewarî.. miroy aza bexêwdekem
lenaw mêrgî seremerga..
wek çeteyekî mał wêran..
êwey bwêr bizêw dekem.şagirdekan.. êwen şufêrî şabîrî çałî mêjû
êwen berî gořistanî jînî pêşû
êwe dasî hawînêkin, direwî befrî doł deken
utîlî naw dêhatî gyan, be fiřokey zam çoł deken
*
şagirdekan..
pêtan witum, lêman dûre
wa tê negen, witem le polekantana, hêşta sûre
hergîz kotrî endêşem, leçîmen û şaxî sibey
şeqey bałî şorşêkew..
gyanî sûrî ałay berzî naw sinûre