katejmêr

le qûłayî şewanî bê zîle û zena
take dengî be ahengî tepey diłan
milmilaney merg û jyan deçirpênê be gwêy mina
dengî wek teqey řajanî lankî awat
wek zengî pêşengî xêłat
dengî wek tirpey diłopey małî hejar
wek dengî pêy şewgarî şar
dengî wek lêdanî diłêkî çaweřê
ya řaburdinî ’aşiqêk ke be kołanî diłdara be tirsewe tê depeřê
dengî besam
wek şirîxey şellaqekanî mîr ẍezeb
wek şikanî şûşey temen
wek qîjey kundî gořistan û zayełey zengî kenîşt û zirmey paçî gořhełken
ew demey ke xełkî zewî xewî şîrîn deybatewe
le gwêçkey minî şa’îra çirkey katejmêr be hezar manawe deng dedatewe