ḧeme poła
From the Book:
Kilpey Derûn
By:
Mulla Abdulrahman fatehi (1930-2002)
3 minutes
471 views
em parçe hełbestey xwarewe leber ewey kak mela miḧemedî zûdî bo xoşî kirdibûye, le perawêzî çend şî’rêkî kak ḧeme poła, minîş her bo xoşî çend şî’rêkim lê zyad kirdibû bo ewey bo yadgarî wemênê, wa lem dîwaneda deynûsmewe.
ḧeme poła:
kêwekan ke řengawin
be gya řeng kirawin
torawin kêwî û nêrî
lêşî nîn şwan û bêrî
kustanêkî çol û hol
kew dexwênin pol be pol
bulbulîş gişt beyanî
degrî bo gułekanî
ewřokane le kêwî
cejneyetî mam řêwî
degeřê le cê waran
deka gałte û qumaran
le her cêyek bika bon
emřo zore sîrmekon
mamostay zûdî:
ḧeme poła le małê
deçête bin herzałê
nawêrê ser hełênê
«hemîn» têy desrewênî
lêy detirsê wekû cûy
gêrey leser ka nabzûy
heqîşyetî feqîre
wek xoy nemawe, pîre
«hemîn» wek pałewane
mindałîşî le lane
debê xoy lê weşêrê
yek be zoran nawêrê
bêt û řiqî lê hestê
waz nahênê be mistê
têywe dexuřê be tundî
qelîne werne kundî
bikute ḧeme, kwêt dêşê
deykûtin wekû biřwêşê
«ḧisên»yiş gwêy nadatê
bo xoy êşî nagatê
babîş demrê cehennem
pał dedatewe bê xem
dełê pîre û her demrê
pyaw bo xemî bo dagrê
fatîḧî:
xwa deka deybê necat
boy dekem xêr û îsqat
pênc sedî bo bikem be xêr
melaş hemû debin têr
sê rojey serexoşî
le boy dekem řeşpoşî
be řeḧmet bê ka ḧeme
êstaş řefîqî keme
hejnode mindałî bû
zor têr bûn, mandûş nebû
destî sed kesî debřî
lemla û ewla deypiçřî
xurî û tutin û mazû kot
her çî baye deyfirot
zorî dîn kwêrewerî
ezyet û derbederî
sermay serçawey hełşo
bołey karwançî bêkło
tutnewanî û çêwdarî
ḧîzbayetî û nedarî
pałewanêk bû bo xoy
zor seyr bû hatûçoy
le lay xełkîş be naw bû
kuřêkî wişt û pyaw bû
mentîqey «swêsinLocation»ew «nełênLocation»
êstaş her çakey dełên
pyawî pyaw namrê nawî
ḧeme, nemirdûy mawî
ewey bo tom nûsîwe
hemûm bew çawe dîwe
şî’irit nûsî bo xełkî
le lay gelit be kełkî
deçêtewe bo êran
řadewestê wek şêran
êsta ke milî kirdûn ḧîz
çaweřwane bo te’wîz
bijî kak ḧeme poła
dekutê pyawî naqoła