bab 6
1) beła hoşyar bin ke sidaqetî xotan leber çawî xełkî neken hetakû lewan bibîndirên, eger ne, le babî xotan ke de asmandaye ḧeqû nîye.
2) dena wextêkî sedeqe dedey le pêş xot kerna lê mede çilonêkî řyakaran de kenêştan û de kuçanda deken hetakû le xełkî te’rîf bikirên. řastî be engo dełêm: ḧeqî xoyan wergirtuwe.
3) beła eto wextêkî sedeqe dedey ba destî çepî xot nezanê destî řastit çî deka.
4) hetakû sedeqey to de dizyetîda bibê, û babî to ke de dizyetîda debînê tołe be to deda.
5) û wextêkî nwêjê deken wekû řyakaran mebin çunke pêyan xoşe ke de kenêştan û de kułiniçkanî kuçanda řawestaw nwêjê biken, hetakû le xełkî dyar bibin, řastî be engo dełêm: ḧeqî xoyan wergirtuwe.
6) beła eto wextêkî nwêjê dekey wejûr xełwetî xot bikewe û derkey xot pêwe de û bo babî xot ke de dizyetîdaye nwêjê bike û babî to ke de dizyetîda debînê tołe be to deda.
7) û wextêkî nwêjê deken zor qisanî betał meken wekû bitperistan, çunke ewan fikir deken ke leber kutnî zorî xoyan qebûł dekirên.
8) dena wekû ewan mebin, çunke babî engo dezanê ke çî îḧtyacû heye le pêş ewey ke lêy tełeb deken.
9) dena engo weha du’a biken: «ya babî me ke de asmanday nêwit muqeddes bibê.
10) padşayetî to bê, îradet çilonêkî de asmanda leser erzîş bibê.
11) nanî me î her řoj ewřo be me bide,
12) û qerzî me bibexşe çilonêkî emeş qerizdaranî xoman debexşîn.
13) û emey de tecrebeyda mebe, beła xełasman bike le şeřê, çunke î toye padşayetî û quwet û celal heta ebedul’ebed, amîn»
14) çunke eger engo be xełkî gunaḧanî wan bibexşin, babî asmanîy engoş debexşê.
15) beła eger engo be xełkî gunaḧanî wan nebexşin, babî engo gunaḧanî engoş nabexşê.
16) û wextêkî řojû degirin řûgirj mebin wekû řyakaran, çunke ewan řûy xoyan degořn hetakû bo xełkî dyar bibin ke be řojûn. řastî be engo dełêm: ḧeqî xoyan wergirtuwe.
17) beła eto wextêkî řojû degrî serî xot çewr bike û řûy xot bişo;
18) hetakû bo xełkî dyar nebê ke be řojûy, beła bo babî xot ke de dizyetîdaye, û babî to ke de dizyetîda debînê tołe be to deda.
19) leser erzê xezênan bo xotan xiř meken le kwê ke morane û jeng xirap deken û le kwê ke dizan kun deken û dedzin.
20) beła de asmanda xezênan bo xotan xiř biken le kwê ke ne morane û ne jeng xirap deken û le kwê ke ne dizan kun deken û naşdizin.
21) çunke le kwê ke xezêney toye diłî toş lewê debê.
22) çiray beden çawe. dena eger çawî to saẍ bê, hemû bedenî to řûnak debê.
23) beła eger çawî to xirap bê, hemû bedenî to tarîk debê. dena eger řûnakayî ke de todaye tarîk bibê çend tarîkayyekî gewre debê.
24) hîçkes natwanê xizmetî dû aẍayan bika, çunke yan yekêkî debuẍzênê û ewey dîke deḧubbênê yan tab’î yekêkî debê û ewey dîke sûk dejmêrê. engo natwanin xizmetî xułay û mamunayMissing biken.
25) leber ewey be engo dełêm: xemî jyanî xotan mexon, ke çî bixon yan çî bixonewe, û ne bo bedenî xotan ke çî deber biken. erê jyan le xorak û beden le cil zyatir nîye?
26) timaşay teyřanî asman biken ke ne deçênin û ne dirwêney deken û ne de embaranda xiř deken, û babî asmanîy engo ewan bexêw deka. erê engo lewan zyatir nîn?
27) û kêhe le engo be xemxiwardin detwanê gezêk leser bejnî xoy zyad bika?
28) û leber cil boçî xem dexon? timaşay swêsnanî zewîyan biken çilon gewre debin, ne zeḧmet dekêşin û ne deřêsin.
29) beła be engo dełêm: sileymanîş de hemû celalî xoyda wekû yekêk le ewanî deber nekirabû.
30) beła eger xuła gyay deştî ke ewřo heye û sibḧeynê de tendûrî dawêjrê weha deber bika, erê zor zyatir deber engo naka ey kem îmanan?
31) dena xemê mexon û biłên: çî bixoyn yan çî bixoynewe yan çî deber bikeyn?
32) çunke bo hemû ew çitane tayfan ḧewl deden, çunke babî asmanîy engo dezanê ke bo hemû ewane îḧtyacîw heye.
33) beła heweł padşayetî xułay û sidaqetî wî tełeb biken û hemû ew çitane bo engo zyad debin.
34) dena xemî sibḧeynê mexon, çunke sibḧeynê xemî xoy dexwa, her řoj derdî xoy besyetî.