namh az biẍdad giftih
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
498 views
sîweyl gerdûn .. sîweyl gerdûn ..
sułtan yemen, sîweyl gerdûn ..
murẍ zeřřîn řext çetir bê sitûn
mu’tî mucewher ’erez be hamûn
ferengise ewqat nezimş da qerar
yengî dinyay çerx sîweyl kerd îzhar
cilûs kerd ne text cemşîd û dara
xermen kerd xełat zêwer û xara
lîway welwele ne çerx sitana
celay cewherş saye nimana
guhir bixawir ’irb misk û şamMissing
zing ’işay ẍirb ziḧa tirk camMissing
cewz û şiftalû zeřřîn qeba kerd
gez û pełk û bîd mest seba kerd
nexil û ’ac û sac şimşad ře’na kerd
narinc û lîmo řiştey řeza kerd
şem aẍac esfer, bayef exzerî
dilû çoẍeyî, gêlas eḧmerî
enar zeř wereq, ercin be etłes
abenûs be řeng surme kerd qeqnes
goyj send camey meles ne sîweyl
kêkif yaqûtî, wen zimřût meyl
tût turme poşa, ermût ḧerîrî
qereqaç poşa kej ce feqîrî
be kul û tirinc tełay ḧîmurMissing da
be bîd û encîr dêbay lahûr da
’îneb çenî sêf kerd ze’feranî
qeysî qenawêz qełem qetranî
şîlan surmeřêz, terû qaqepoş
’er’er qedîfe, buz xamek ne doş
biłałûk mexmełî, kewt parçeyî zeř
mord û ’ûd çenî mełḧem mu’etter
xara da be qox, ałî buxara
çinar ketanî, binaw kerd ḧemra
sendel qirimzî, zirîsk lale řeng
beřû parçey hînd, tûřk le’il seng
twîlk û lawlaw bîbîy xetayî
tengiz û sinicd poşan darayî
darşan şîrdaxî, findiq yemenî
mazû řummanî, zeytûn çîmenî
’ennab û nebug simaq zeř wereq
seru û jałe surx, badem kerd ezreq
řengîn kerd daran da’îrey dara
ta çend muddetê wey tewr wiyara
naga çerxê werd gerdûn ewqat
çewaşe kerd bext suheylî sîfat
qews çepîwaz, zuḧel bî meẍrûr
mîzan mîřřîx suheyl kerd meẍdûr
ne burc qemer ’eqreb ’eyan kerd
pey ẍezay hamûn heway xezan kerd
ne weyşûmey sext xezan xêza wey
dirextan ne berg ḧatemî kerd tey
nemîmey namîqPerson ce «dar alsilamArabic»
send ce dar wen berg nîko nam
xar muẍeylan ’ereb ’uryan kerd
asar ekirad mest zyan kerd
ercin ne fuẍan, kêkif ne bułxax
řêza wełk cewz kosaran be dax
şîwen wist ne şîn zayełey zeytûn
řûs kerd buxaray dirextan zebûn
ḧukimş carî kerd piřûsyay xezan
ce nemsey duweyl dirext wist eman
dûd ce demawend dehen cya kerd
koy daran çun tûr sîna sya kerd
exiz û ’etay çerx, «feqêPen name» wey tewren
teḧwîl û tenqîs dinya çun daren