bar dum seşnibih giftih
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
488 views
azîz! seyrangay beharan weşen
sereřay guzar nazaran weşen
ce toy baẍçey baẍ seḧin xyabat
seḧergeh nałey hezaran weşen
ce da’îrey ḧewz şinoy seru û bîd
şoxî û letîfey diłdaran weşen
îbîtîday řebî’ ce seḧray xezra
tefeřřuc seḧin gułzaran weşen
ne goşey çeşme nexçîr ne kebab
goş ne seday kebik kosaran weşen
mehtab řebî’ meḧfel aray şew
pey tefrîḧ dił efgaran weşen
ne pay kawanda hoş ne heway mey
deng saz ne goş meyxiwaran weşen
sirûş azîz ne goş zemîr
sema’iş ne hoş teřřařan weşen
ce seḧray şikar ba tazî û şahîn
nîgay řemey keł tetaran weşen
wesił ḧebîban ce dimay tefrîq
bê sekney řeqîb û eẍyaran weşen
ba meḧbûbey wêt ce toy řext xaw
nimnime û barişt dewaran weşen
ne mecme’ey seḧin seḧray çemçemał
mel’ebey sufûf swaran weşen
ce sebzey seḧra şetaw ne serda
bezim xeymegay serdaran weşen
er «feqêPen name» ney bend beła bît azad
hay pey ewdyay dyaran weşen