ayza dir biẍdad giftih
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
459 views
ahûy tetaran .. ahûy tetaran ..
delîley ser řem ahûy tetaran ..
leylay ’erebwar, şay wefadaran
wefat mecnûn wist ne pay kosaran
bo zeřřê ne ’eşq mecnûn biker meyl
bawer be xatir wefadarîy leyl
binma cemałit ahûy ser řewêł
qeys ker be mecnûn serherdey ducêl
cela der tuřřey tuẍray şamaran
wefat mecnûn wist ne pay kosaran
dangê şew mano kejawe ker bar
wer ne koç naqe taq ker ce qetar
pey dîdenîy qeys sadey can nîsar
řû ne cebeł ker bê sebir û medar
şeydaş ker be ’etir mayey ’etaran
wefat mecnûn wist ne pay kosaran
qamet we qebay zeř nîgarewe
her hay ne xeyał karzarewe
řû ne şadî ker be zar zarewe
cehd qeysit bo ne pêwarewe
binîş çenî qeys ne say meẍaran
wefat mecnûn wist ne pay kosaran
ne toy şebistan mesqeł der cebîn
goş der be nałey qeys dił ḧezîn
bigîr ne aẍoş cêş meker nefrîn
bawer be yane eẍnam miskîn
biker ẍemxiwarîy şay dił efgaran
wefat mecnûn wist ne pay kosaran
çil çeng we gêsûy taze şûrewe
qeys beyo ce necd beřyey dûrewe
cam piř ne ab «alitّhurArabic»ewe
bider be destiş la we tûrewe
xamoşiş kere wêney meyxiwaran
wefat mecnûn wist ne pay kosaran
........................................Missing
řazanit mer çon îḧya kerdewe
dił pey qeys ne dax dûd derdewe
«abin silamArabic»t kuşt ne perdewe
meqbûłen du’ay şay şem řuxsaran
wefat mecnûn wist ne pay kosaran
îzhar ker şirut îqrarit ce no
binwîse namey ’etir ’enber bo
.....Missing mujdey namet perê qeys bero
bwano perêş ce daman ko
teskîn der diłey qeys ne pejaran
wefat mecnûn wist ne pay kosaran
ten ne toy xeftan cibey mexmełî
lutfê ce ḧusinit ne ’am ker celî
şořş ker ce beyn fîrqey cebelî
wêt ker be esîr şah newfelî
newfel fena ker be zehir maran
wefat mecnûn wist ne pay kosaran
ya şa her şexsê wey tewr diłdar bo
şîrîn şêwe bo, leylê řeftar bo
meḧfûz gezend dîdey bedkar bo
çun leyl werîn her payedar bo
her mano be şad pey derdedaran
wefat mecnûn wist ne pay kosaran