pîş az dixul cintyan bih bihişt milk mijdih cihit ḧuryan mîbirind û qisurha mizîn û ḧuryan astiqbal kinind
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
435 views
firîştan ce pêş lîway eḧmedî
meşin pey cennet seray sermedî
pexiş meban ce qesir heşt qît’ey cînan
meden beşaret be ḧûr û ẍîlman
lîway ḧemd ce pêş sef enbya
sufûf pes û pêş aman pey derga
xêzo ce ḧorî şewq û ẍelẍele
qesir û kîsra taq piř ne zelzele
tawus tel’etan mekeran axêz
qesir û xîmegah meken ’etir amêz
kul meban tezîyn be le’il û gewher
elbîse û ḧerîr, baftey sîm û zer
sufûf ḧorî û ẍîlman pêş û pes
her yek yek tuḧfey hedye ne řûy des
be’zêşan çewgan muresse’ ce zeř
be’zê ce destiş şemamey ’enber
be’zê elbîsey zeřbefit zeřî
be’zê ḧemaył saxtey cewherî
be’zê badey şurb, be’zê engeyîn
be’zê tac zeř, be’zêşan nigîn
be’zê kemerbend daney qîmetî
be’zê ce tuḧfey mîwey cennetî
be’zê pyałey «şiraba tihurArabic»
be’zê ab saf ne heway kafûr
be’zêşan xerqey cubbey ḧerîr baf
her yek ne destiş daran yek tuḧaf
kul tuḧfey wêşan meken muheyya
keç meken ḧuqqey tac zeř kula
ḧûr enbya meban be pêş sef
kul řahî meban be şewq û şeref
ne her heşt qît’e be şadî û surûr
ḧûran pey qapîy cennet bey destûr
her yek be enwa’ lencey ẍemze û naz
xeraman xeram meyan be pêşwaz
posen îradey daray piř kerem
hîç kes ḧorîy kes nebîno be çem
ẍirîw ḧûran ne cumley muştaq
«silamu silamArabic» xêzo ce suqaq
kul dest be sîne meyan be selam
merḧeba goyan be sed îḧtîram
kêşam muntezîr firawan xeylê
ferxunde talî’ îmřo kerd meylê
key şukir yezdan meyo be encam
nar fîraqit aman be xîtam
ne pêş û ne pes zumrey ḧorîyan
meken řehnumay qesirş be dewan
her kesê pey bezim ’eyş û terane
pey qesir wêşan meban řewane
her kesê ne qesir toy xeymegay wêş
sakîn ne bîsat bê xewf û endêş
weqtê meşẍûł bîn be şurb û te’am
şe’şe’ey enwar şewq medo ne ’am
ehil cennetî kul meban ḧeyran
bew meş’eley nûr meban nîgeran
selam ḧeqqen ew nûr qedîm
«silam qulaً min ribّ riḧîmArabic»
ne zayqey nûr kul meban medhoş
et’îmey cennat meken feramoş
’erz meken ya řeb enwar selam
du’aşan ce ḧeq meyo be encam