byan sifat hifit tibqey duzix û asim tibqeha û bizirgîşan
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
4 minutes
429 views
şemmê ce te’rîf dozex keym îzhar
bełkim samî’an nadîm ban ce kar
hefit tebeq daro her yek yek derga
her yek mesafeş erzen ta sema
yek tebeqeş piř ’eqreb û maren
bizurgen ’eqreb maçî kosaren
qyas bew tewren bizurgîy ejder
«ni’uz balilhArabic» new cagey xeter
yek tebeq kûrey zemherîr daro
yek qetreş erwaḧ ’alem mestano
yek tebeq mutbîq new’ sundûqen
cumle muheyyay exiz ḧuqûqen
yek tebeqeş beḧir zehren çun qulzum
faşen ce qurûn şecerey zeqûm
’eqreb û ejder zehirş kerden qey
mewc werden new ca bê kenar û pey
pey ehil dozex adaben şerab
herkes cêş noşa wêş mebo be ab
sê tebeqeş koh ateşen bîlla
ce ’umq meddiş nedaro şena
yek ’alî dirext new ca me’lûmen
îsimş be şecer zeqqûm mesmûmen
şax semerş pey her tebeqat
kerden îktîfa çun tûbay cennat
mîweş çun ḧenzel bed te’im û bed bo
wêş mebo be ab herkes binoşo
ce ayey qedîm ew mîwe telxîn
meselş awerdin ře’is şeyatîn
ře’is şeyatîn ce koh betḧa
dirextên mîweş bedte’im û hewa
nîran dozex ba nar dunya
wey tewren exbar ce şay enbya
heftad derece kerdenş te’rîf
ba nar dunya daro «miza’ifArabic»
geznidey maran gejdum û zeqqûm
bewtewr qyasen yeqîn ken me’lûm
îsim tebeqat arîm be ewsaf
ta ke ce yaran nebo îxtîlaf
ewwełş weylen, duwem seqeren
sêyemş se’îr, cagey xeteren
çaremş leza, pencem ḧuteme
şeşem mesîren piř ce sedeme
heftem ce řawî wey tewr yeqînen
îsimş esfel û hem safîlînen
her yekê xuddam wêş daro muqîm
esił xelqişan ce «naraًArabic» cesîm
xazînan ce nar siruşten yekser
ateş ce ateş nimeko ḧezer
etreşen ce goş zumrey xazînan
ta ke neşnewan zelzeley efẍan
fewc xazînan bê ḧedid û şumar
her fewc ce qapîy wêşan întîzar
e’zaşan heykel cîsmişan çun ko
samdar û muhîb, hey’et piř şiko
perê deřřakey fehim samî’an
mîzan kem quwey bazûy xazînan
heftad hezar nefis melek meban cem
her yek ba ḧelqey zencîrey sitem
ḧelqe ne ḧelqûm îblîs meken gîr
her yek mekêşin ḧelqey yek zencîr
be sed dar û gîr, be sed te’b û lenc
maweran perê xazîn be sed řenc
yek ce xazînan be zor bazû
ne dewrey serş çerx medo her sû
çerx medo çun seng ne toy felaxûn
çun zirk mekero ce se’îr nîgûn
maço ne êwe nimebî me’mûl
pey merd ze’îf bey tewr ban meşẍûl
ḧeq yek ejdeha ce qudret wêş
awerden be xelq pêş maçan «ḧûrêş»
hefit tebeq dozex ce betin ew mar
ce qudret wêş cageş dan qerar
yek mû kerden xelq ce leb ejder
kerdenş pey kul ’alem be me’ber
hezar sał řahen ce be’zê kîtab
be’zê sê hezar sał kerden ḧîsab
dehen baz kerden ew dabbey erqem
mûy lebiş be leb uxraş mucessem
be mûy leb ew mar pêş maçan sîrat
terîq ’ammen pey qît’ey cennat
çen hezar sał řah ew mû dirazen
nîsfiş neşîb û nîsfiş fîrazen
arastey qudret zat ẍeyûren
ce mû barîkter syay deycûren
maweran zencîr ta heftad hezar
cem’iş be qullab ne ḧelq ew mar
firîştan me’mûr perwerdigaren
ne her yek zencîr heftad hezaren
mekîşin be xeşim be kîne û ẍezeb
mar hem ḧerekeş meyo ce ’eqeb
pey cay qerargah me’rekey mîqat
keşan mekêşan ẍaşye dersat
ẍaşye newca megêro aram
dehen meko baz pey cezay ’ewam
şerarey ateş dozex be dewan
kêşo zubane perê îns û can
ab ew esrîn zahîd ce dunya
serf kerden ne ’eyn ce bîm ’uqba,
firîştan be emir cîhan aferîn
meḧfûziş kerden ew ab esrîn
mekêşo şerer cew demda ateş
melayk ew ab be doş meken pexiş
posen îradey zat yegane
pêş mebo xamoş şu’ley zubane
cewdemda be emir xellaq wedûd
her çwar muqeřřeb firîştan be zûd
meken muheyya cennat û qusûr
dozex ce mabeyn cennat û nuşûr