dir byan mintixbat dinîwî qyas bih amti’ey axrwî nîst
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
275 views
qaym ken yeqîn hey cîhanîyan
cîhan û cînan ferqen bê kîran
er meqamşan arî be mîzan
ew ce betin ’erş, êd teḧit seman
barkeş cumley cennet eflaken
barkeş zemîn sewr û esmaken
neş’u numay erz tûl emelen
řîzwan cennet cezay ’emelen
sermayey dinya bey’ û xiřîden
sermayey ’uqba we’d û we’îden
mafewq cînan ’erş řeḧmanen
mafewq cîhan kul asmanen
zat «zwalcilalArabic» ce senay cînan
çend ayeş texsîs kerden ce qur’an
ce ayey qedîm kerden letîfe
teşbîh dinyaş kerden be cîfe
elfaz cîfe ye’nî mirdaren
kerîhe û řezîl ḧukim dadaren
kufir mutłeqen pey cîfey dinya
meḧu zemîr bo zelzeley ’uqba
ta ne beheşt bî ḧezret adem
mela’îk kerdin sucdeş demadem
îste zuřřiřîyat adem ne cîhan
ekser sacîden be şems û nîran
«a’lî ’ilîybinArabic» cînan ’alîyen
cîhat cîhan cumle suflîyen
nefîsey dinya ba eşyay cînan
wey tewr ce meqam wêşan ker mîzan
sîm û zer, ney ca cewher xaken
newca ne enwar zat bêbaken
mirwarîd ney ca qetrey nîsanen
newca ne mezher nûr îḧsanen
ney cada mexrec sengen ełmasiş
newca ne ełtaf ḧeqqen esasiş
ney cada sengen le’il û pîroze
newca ne řeḧmet yezdan feyroze
ney ca me’denen yaqût û mercan
newca ne zyay nûren numayan
ney ca şîr ne xûn nebatat peydan
newca ne çeşmey ’erş mu’ellan
ce tuḧfeş ḧerîr, ’esel menzûren
herdû ce řîden kirim û zenbûren
newca ’eselş ne selsebîlen
ḧerîrş baftey sun’ celîlen
qesir dunyewî bînay beşeren
qesir uxrewî bînay daweren
«zwalqirnînArabic» mînaş ne seng kerd ney ca
mezher nûren ne cennet sera
qyas ken bewtewr be quwey îdrak
ferqen ce mabeyn çun erz û eflak
er ḧeq nefîsey dunya ce ne’îm
kerdenş beyan ce ayey qedîm
êden ce ḧîkmet «’ilî al’ilamArabic»
beyo be tefhîm deřřakey ’ewam
derwêş bo be ’îşq ew kes to saza
henî pey cîfe meker teqaza
be wate maçan ebnye ce ab
herkes meyliş kerd zû mebo xerab
xemîr zemîn ce bad û aben
kedbanûy eyyam piř ne şîtaben
weqten sengekî zemaneş bo qelb
serd kero heway tenûrş ne teb
peşêw bo ḧałş be heway fitûr
xałî bo zewqiş be yek nefix sûr
hay deroyşPen name henî pey meḧyay emwat
qyam ker be zîkir zat piř sîfat