şikayt mؤlif az dist pîrî
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
362 views
hay derwêş kerdî xeylê ḧîkayet
ladê ce pîrî biker şîkayet
ḧeq cîranîş medare be çem
kirdey karanş bawer be řeqem
pîrî wêş kem kem be min da nîşan
be tefrey emel uxram kerd nîsyan
ha weqtê zanam swar bî ne doş
’eyş şebabîm kerdim feramoş
ne da’îrey çerx tefrey hewayî
sifîd kerd sikey muşk xetayî
heway benefşey ferqim kafûr kerd
bahûy pehlewîm çun mûr bê zûr kerd
be gaz mîḧnet quwey zordarî
bê beha berdiş sî û dû mirwarî
wêney bextenesir bê sûç û guna
goşim etreş kerd, bînam nabîna
hezim me’îde, sermayey quwet
heway şebabî û xezaney şehwet
be quwey cebrî berdiş be tarac
êste be her çwar mendenan muḧtac
bełẍem û koke, bê sebrî û nîsyan
her çwar be yekbar pêm kerden îḧsan
goya eltafiş be min nimanan
’îcziş ’eta kerd, xawim sitanan
wey tewren exiz û ’etaş ne karim
’esaş ’eta kerd, berd î’tîbarim
seyr ken çi lutfê be min menmano
derd pişt bexşan, xûnim mestano
kem kem laẍîr kerd cestey endamim
sitanan ne dił deřřakey famim
bê bey’ û xiřîd, zer’ û terazû
exziş kerd quwet ce zanû û bazû
ne tabişt bar zułimş her zeman
tîr qametim xemen çun keman
sitanan řewneq řeng û řuxsarim
êste ce ’eyal wêm şermesarim
ecel ne kûzey cestey piř ḧezîn
çun gurg ne beřey can girten kemîn
dił ne îdarey ten bîyen me’yûs
her şew ne şînen be nałey efsûs
sedemey pîrî pêm kerden řîşxen
ce lay xatûnan min kerden we pen
ce lay mehřiwan êden giftugû
tek tîr ne cerg bo, nek pîr ne pehlû
er kerûn sefer çeşmey qedemga
debdebey dehoł dił medo seda
çun bay muxalîf henasem her so
meyo ne meqam wey wey û řo řo
cwanîm ce new er kerd î’ade
şerten ḧał wêm kerûn îfade
’erzey şerḧ derd ce laş kem teqdîm
bidem ne teḧrîr her çî kerden pêm
beł ew cewanmerd be zerb şimşîr
bistano ḧeqim new cellad pîr
wer ne ḧesretan derd kone û no
yek yek mesparûn be xak giłko
dirîẍ cwanî îftîxarim bî
cwanî cibey î’tîbarim bî
her ta cwan bîm dinyam be kam bî
ne xeymey ’uşret ’eyşim medam bî
zyad bî qedirim ce lay xatûnan
her yek be terzê wêş medan nîşan
cewsawe pîrîm aman be esas
çun ahû ce şêr cêm meken heras
derwêş! çun maddet yawan bey řade
henî toşey řa biker amade
cwanît wiyerd, pîrît kefit ne pêş
ce dimay pîrî mergen hey derwêş!
pîrî kerden sist řegit ne e’za
to hem sist ker meyl ne ḧubib dinya
ney demda ne dest pîrî zebûnî
binał ne dergay zat bêçûnî
umêden du’ay pîran zelîl
meqbûłen ce bab şehenşay celîl
hay derwêşPen name! bigîr qapîy ekberî
ełbet ce derûn mebo eserî